الذكرى
تكفيني الذكرى على صدر الاشواق ******* وارتاح لفتشت قلبا سكنتيه
لا تتركيني الصمت يجتاح الاعماق ****** خوفي على عجف الحنايا تباريه
مرتاح احبك وازعل الهم لا راق ******** ينساق شعري لا حضرتي قوافيه
كان الحروف بلهفة الشوق تشتاق **** * لا مر طيفك واتعب الليل ساريه
ليل التعب ما بين تغريب وارهاق ******* عجزت عيوني لا تحقق مواريه
زاد الشقا والبعد والقلب ما طاق ****** * مدري متى تقدر تحقق امانيه
خليه يقضي باقي العمر بعناق ******** دام السهر والوجد والليل مفنيه
شيلي معك كل القصائد والاوراق **** خليني ادخل عالم الطيش والتيه
تكفيني البسمه ليا جيت مشتاق ****** ابي غلاك وضمتك حيل لبيه
خذ القلم خذ الورق وخذ الاشواق **** خط النهاية ونتهى عند قاريه
تكفيني الذكرى على بيض الاوراق *** وانتي متى تعطين قلبا اخذتيه
الاشتراك في:
تعليقات الرسالة (Atom)
إرسال تعليق