اجمل العمر
ما قلت لك ارجع ولا قلت لك روح **** لا بان نور ولا سرى الليل بدري
ما دامني ما خطيت مسمــــــــــوح **** وشلون اسامح في خطاياك عذري
الصوت ما ياصل والا حساس مبحوح **** ما ني على عهده ولا ني بخبري
صكيت باب للمواعيد مفتــــــــــوح **** ورديت شباك التعاليل بدري
السالفه ما هي معاناة وجـــــروح **** ما هان قدرك يا حبيبي وقدري
ما كل من يبني يشيد له صروح **** ينهد فكره قبل ياصل لفكري
احيان اقول انك وراء كل هالبوح **** واحيان اقول اني صنعتك بشعري
اذكرك وانسى اني من الوجد مذبوح **** لا رحت معطيني ولا كاسبٍ اجري
يبقى السؤال اللي له سنين مطروح **** هذا المحاني يوم شلته بصدري
تدري وش الي بين عيني وهالروح **** انك وقفت واجمل العمر يجري
الاشتراك في:
تعليقات الرسالة (Atom)
إرسال تعليق